برسوں سے رکی پروموشن وظیفہ پڑھتے ہی مل گئی

مرتبہ پوسٹ دیکھی گئی

برسوں سے رکی پروموشن وظیفہ پڑھتے ہی مل گئی....

میں ایک بڑے نجی ادارے میں پچھلے بیس سال سے فرائض انجام دے رہا ہوں۔ میرے چار بچے ہیں جو اسکول میں پڑھتے ہیں۔ گھر بھی کرائے کا ہے۔  محدود آمدنی کی وجہ سے مہینہ ختم ہونے سے پہلے ہی سیلری ختم ہوجاتی تھی۔ ایک طویل عرصے سے  میری پروموشن چند حاسدین کے شر کی وجہ سے رُکی ہوئی تھی، میرے افسر اعلیٰ بھی میری پروموشن کے لیے آگے  لکھ کر نہیں بھیجتے تھے۔  میں اپنا کام بہت ایمانداری سے کرتا ہوں، کسی سے لڑائی جھگڑا تو دور فضول بات بھی نہیں کرتا۔ لیکن میرے افسراعلیٰ کو تعریفیں اور چاپلوسی کرنے والے لوگ بہت زیادہ اچھے لگتے تھے۔ میرے سامنے ہی سامنے مجھ سے جونیئر افراد کی پروموشن ہوتی رہیں اور میں حسرت و یاس سے یہ سب دیکھتا رہتا۔    اپنی ناکامیوں اور اپنے بچوں کی محرومیوں پر کڑھتے کڑھتے  مجھے شدید ڈپریشن لاحق ہوگیا تھا۔ حد سے زیادہ چڑچڑاپن اور غصہ مجھ پر طاری رہنے لگا۔   اپنے ایک قریبی دوست کے مشورے پر میں نے آپ کی خدمت میں ایک خط تحریر کیا تھا۔
جواب میں  آپ نے مجھے ایک وظیفہ عنایت کیا۔  
رات سونے سے پہلے اکتالیس مرتبہ سورہ حج (22) کی آیات 61 تا 63

ذٰلِكَ بِاَنَّ اللّـٰهَ يُوْلِجُ اللَّيْلَ فِى النَّـهَارِ وَيُوْلِجُ النَّـهَارَ فِى اللَّيْلِ وَاَنَّ اللّـٰهَ سَـمِيْـعٌ بَصِيْـرٌ  O   ذٰلِكَ بِاَنَّ اللّـٰهَ هُوَ الْحَقُّ وَاَنَّ مَا يَدْعُوْنَ مِنْ دُوْنِهٖ هُوَ الْبَاطِلُ وَاَنَّ اللّـٰهَ هُوَ الْعَلِـىُّ الْكَبِيْـرُO   اَلَمْ تَـرَ اَنَّ اللّـٰهَ اَنْزَلَ مِنَ السَّمَآءِ مَآءًۖ فَتُصْبِـحُ الْاَرْضُ مُخْضَرَّةً ۗ اِنَّ اللّـٰهَ لَطِيْفٌ خَبِيْـرٌO   

گیارہ گیارہ مرتبہ درود شریف کے ساتھ پڑھ کر اللہ تعالیٰ کے حضور دعا کیجیے۔
ہر جمعرات حسب استطاعت چند مستحقین کو کھانا کھلا دیا کریں۔
یہ عمل دو ماہ تک جاری رکھیے۔
مایوسی کی وجہ سے  شروع میں تو میں نے اس پر عمل نہ کیا، پھر میری بیگم کے فورس کرنے پر میں نے یہ وظیفہ پڑھنا شروع کیا۔ اس وظیفے کو پڑھتے چند ہی دن ہوئے تھے کہ میرے باس کا تبادلہ ہوگیا۔ نئے آنے والے باس بہت پروفیشنل اور محنت کی قدر کرنے والے تھے۔ انہوں نے جب میرا کام دیکھااور یہ سنا کہ میں پچھلے کئی سال سے اسی پوسٹ پر ہوں تو انہیں شدید دکھ ہوا۔  ابھی آپ کے بتائے ہوئے وظیفے کی مدت پوری بھی نہ ہوئی تھی کہ میرے نئے باس کی    وجہ سے مجھے ڈبل پروموشن مل گئی۔ یہ خط لکھتے ہوئے میرے کیا جذبات ہیں میں لفظوں میں بیان نہیں کرسکتا۔  
میں بس آپ کو دعائیں ہی دےسکتا ہوں۔ اللہ آپ کوہر میدان میں کامیابی و سرخروئی عطا فرمائے۔ آمین
اگر آپ مناسب سمجھیں تو مجھے بتایا گیا یہ وظیفہ روحانی ڈائجسٹ میں بھی شائع کردیں۔ نجانے کتنوں کے مسئلے کا ذریعہ بن جائے گا۔

جواب:  مذکورہ وظیفہ آپ کے اس خط کے مندرجات کے ساتھ ہی شائع کیا جارہا ہے۔ 

[از : روحانی ڈاک ،  ماہنامہ روحانی ڈائجسٹ ، جولائی 2018ء ]

Roohani Digest

اپنے پسندیدہ رسالے ماہنامہ روحانی ڈائجسٹ کے مضامین آن لائن پڑھنے کے لیے بذریعہ ای میل یا بذریعہ فیس بُک سبسکرائب کیجیے ہر ماہ روحانی ڈائجسٹ کے نئے مضامین اپنے موبائل فون یا کمپیوٹر پر پڑھیے….

https://roohanidigest.online