خون میں شوگر کی کمی۔کتنی خطرناک ۔۔۔؟
How dangerous Low blood sugar is?
Dr. Waqar Yousuf Azeemi
خون میں گلوکوز زیادہ رہنے سے ذیابیطس کے مریضوں کو کئی مسائل کا سامنا ہوسکتا ہے۔ تاہم خون میں گلوکوز کی زیادہ کمی Hypoglycemia بھی کئی مسائل کا سبب بن سکتی ہے۔ ذیابیطس کے مریضوں اور ان کے اہل خانہ کو شوگر میں اضافے کے نقصانات سے آگہی کے ساتھ خون میں شوگر کی کمی کی علامات اور نقصانات سے واقف ہونا ضروری ہے۔
خون میں شوگر ( یا گلوکوز ) کی کمی سے شدید کم زوری ہوسکتی ہے ، اس کم زوری سے ہاتھوں میں کپکپاہٹ ہوسکتی ہے۔ کندھوں ، گردن یا سر میں شدید درد ہوسکتا ہے۔ آنکھوں کے سامنے دھندلاہٹ محسوس ہوسکتی ہے۔ دل کی دھڑکن بڑھ سکتی ہے۔ کبھی متلی یا الٹی بھی ہوسکتی ہے۔ گھبراہٹ ، چڑچڑا پن، سر چکرانے کی شکایت ہوسکتی ہے
شوگر کے مریض اپنے معالج سے رابطے میں رہیں ۔ ڈاکٹر کی تجویز کردہ ادویات باقاعدگی سے لیں ، پرہیز اور ان کی دیگر ہدایات پر عمل کرتے رہیں ۔ اگر کسی وقت شوگر کم ہوتی ہے تو یہ بات اپنے معالج کو ضرور بتائیں۔
ڈاکٹر وقار یوسف عظیمی
<!....AD>
<!....AD>