اپنے خواب اپنی مرضی کے مطابق دیکھیے
(حصہ چہارم )
سچے واضح خواب دیکھنے کے لئے آزمودہ مشقیں
کےلیے ماہرین نے چند مشقیں تجویز کی ہیں۔
پہلا مرحلہ: خواب سے جُڑنا
مشق 1
پہلے دیکھے گئے خواب کو دوبارہ دیکھنے کی کوشش کرنا ہوگی۔اس کے لیے کئی لوگ اپنی ڈائری میں خواب نوٹ کرلیتے ہیں۔ جیسے ہی آپ خواب سے بیدار ہوں تو خواب کی یاد رہ جانے والی باتوں کو کہیں درج کرلیجیے۔ چاہے آپ رات کے کسی بھی پہر میں ہی کیوں نہ بیدار ہوں۔ مشق کرتے ہوئے آپ کو روزانہ دیکھے جانے والے خواب کو کہیں درج کرنا ہوگا۔ خواب کی ہر باریک سے باریک بات نوٹ کرنی ہوگی۔
یہ بھی کوشش کیجیے کہ آپ کا خواب جہاں ختم ہو، دوبارہ نیند لینے سے پہلے اس کے آگے کے واقعے کا تصور کرتے ہوئے سوجائیے۔ کچھ دنوں یا مہینوں کی مشق کے بعد آپ کو محسوس ہوگا کہ دوران خواب آپ کی توجہ بڑھتی جارہی ہے . اس مشق کی وجہ سے بعد میں آپ خواب خود تخلیق کرنے کے قابل ہوجائیں گے یا پھر دکھائی دینے والے خوابوں پر قابو پاسکیں گے۔
<!....ADV>
<!....ADV>
مشق 2
جب آپ نیند سے بیدار ہوں تو خواب کو مکمل طور پر یاد رکھنے کی کوشش کیجیے پھر جب دوبارہ سونے جائیں تو خود کو یقین دلائیں کہ آپ اب دیکھے جانے والے خواب میں یہ یاد رکھیں گے کہ آپ خواب دیکھ رہے ہیں۔ اگلے مرحلہ میں تصور کیجیے کہ آپ پچھلے دیکھے گئے خواب میں وہاں ہیں جہاں سے آپ بیدار ہوئے تھے ۔ ذہن کو اس وقت تک اس خیال میں رکھیے جب تک آپ نیند کی آغوش میں نہ چلےجائیں۔
مشق 3
ایک طریقہ اور بھی ہے جسے غنودگی کی کیفیت میں ہی اختیار کیا جاسکتا ہے۔ اگر آپ کسی صبح اپنے معمول کے وقت سے خاصا پہلے جاگ گئے ہیں تو دوبارہ سونے کے بجائے آدھے گھنٹے یا اس سے بھی زیادہ دیر تک خود کو جگائے رکھیے لیکن غنودگی کی حالت میں یعنی نہ تو آپ مکمل طور پر جاگ رہے ہوں اور نہ ہی سو رہے ہیں۔ اس طرح آپ خواب میں بھی ہوں گے اور شعور بھی کام کررہا ہوگا۔
(جاری ہے)